【Emily】民記議員郭玲麗 考獲「災難醫療助理」

 29 total views,  1 views today

難忘前年「鑽石公主號」接機

郭玲麗介紹,作為醫療輔助隊隊員要定時訓練,接受每年考核,災難醫療助理都係每年要考嘅,因新冠疫情所以遲咗領證件。佢亦係一名教師,佢話做醫療輔助隊係因為平時帶學生,認為要識急救、醫療知識,可能隨時要用到;而醫療輔助隊亦可能要喺災難情况下出動,如火災、輻射事故等,疫情期間佢哋都有幫手,去到隔離酒店等當「檢疫更」。

佢話最難忘係2020年「鑽石公主號」事件,當時滯留日本多日嘅港人包機回港,佢幫手接機,送市民去駿洋邨隔離。佢話,醫療輔助隊有足夠訓練,識得點著保護衣,當時一著保護衣就冇去過洗手間,完成13個鐘任務。佢話該些港人有好多情緒,因已喺船上多日,部分人見到唔少船上嘅人染疫,返到香港都好感恩。

新闻来源:明报