【明報專訊】全國人大常委會通過有關立法會議員資格問題嘅《決定》,特區政府隨即DQ 公民黨郭榮鏗等4個喺7月時被選舉主任取消參選資格嘅泛民立法會議員,建制陣營隨即表態支持,並喺全港各區搞簽名活動收集市民支持嘅聲音。其中廣東社團總會、福建社團聯會等10幾個社團,噚日舉行「支持人大決定,踢走攬炒議員」簽名活動啟動儀式。現時4人限聚令仍然生效,不過呢班社團領導似乎無懼犯法,大合照時超過30人企成一行,膊頭貼膊頭,不過現場就無警員執法,喺儀式完畢後,先至有軍裝警察到場了解。新闻来源:明報新聞網