【Emily】新社聯「去」美國會山莊鬧佩洛西 Key圖虛擬示威 陳勇:效果佳免檢疫

Loading

社民連吳文遠都有截圖轉載新社聯嘅虛擬示威,話「真係智商無番咁上下低都諗唔到」,建議下次可換背景去台北中正紀念堂。吳文遠嘅轉載比新社聯嘅原帖更多人留言討論。

翌日「返」港政總請願

睇番新社聯facebook,新冠疫情期間都曾虛擬去政總外示威。港區人代、新社聯理事長陳勇噚日同Emily講,用咩形式示威視乎想達到嘅效果,今次用虛擬方式應該可以吸引更多網民同傳媒留意,相比之下,若果直接去美領館示威,已唔會有人接信,而政府部門亦只派職員接信,反正佢作為立法會議員亦會跟進事件,認為虛擬示威嘅效果更好。陳勇仲講笑話有朋友建議下次直接到白宮向美國總統拜登請願,唔使驚唔畀入,又唔使檢疫。

新闻来源:明报