李家超係社交專頁寫到，安安1999年嚟到海洋公園，係人工飼養環境下全球迄今最長壽嘅雄性大熊貓，為大家帶嚟好多美好回憶，願佢安息。佢又感謝海洋公園多年嚟悉心照顧安安，亦感謝中央同四川臥龍中國大熊貓保護研究中心專家一直以來嘅支持。律政司副司長張國鈞亦感謝安安陪伴港人共渡風雨，希望佢安息。
民建聯立法會議員郭玲麗就分享，安安啱啱嚟香港嗰陣「萬天喜慶」，吸引大批市民去探佢，又將佢放入教科書，感謝佢陪伴港人行過咁多年；民建聯立法會議員梁熙感謝安安帶咗咁多歡樂畀港人；工聯會議員黃國、鄧家彪亦感謝安安一直以嚟嘅陪伴；經民聯則引述海洋公園帖文，哀悼安安。
新闻来源:明报
